Mexíkóskt lasagne

Þetta mexíkóska lasagne sló heldur betur í gegn á mínu heimili. Það sem ég elska við þegar ég er að elda grænmetisrétti er litagleðin, það gerir eldamennskuna bara eitthvað skemmtilegri þegar þú ert að nota hráefni í öllum litum. Þetta er frábær uppskrift ef þú ert ekki vön/vanur að elda grænmetisrétti, fullkomið fyrir næsta meatless monday.

Mexíkóskt lasagne

/ uppskriftin var unnin í samstarfi með Ásbjörn Ólafsson ehf.
Skammtar 4 manns
45 mins

Hráefni

  • 325 g Anamma Vegofärs
  • 1 rauð paprika
  • 1/2 rauðlaukur
  • 1 hvítlauksgeiri
  • 1 tsk cumin
  • 1 tsk malaður chili
  • salt og pipar eftir smekk
  • 150 g gular baunir (ég nota frosnar)
  • 1 dós svartar baunir
  • 230 g salsa sósa
  • 4 miðlungs tortillur
  • 50-100 g chili majónes eftir smekk
  • 200 g rifinn ostur
  • kóríander má sleppa

Aðferð

  • Stilltu ofninn á 200 gráður
  • Skerið paprikuna, rauðlaukinn og hvítlaukinn smátt
  • Hitið smá olíu á pönnu, steikið vegan hakkið, paprikuna, rauðlaukinn, hvítlaukinn og kryddið með cumin, möluðum chili, salti og pipar
  • Skolið svörtu baunirnar og bætið þeim út á pönnuna ásamt gulu baununum. Takið af hitanum þegar allt er orðið vel eldað og blandað saman
  • Skerið tortillurnar í mjóaar ræmur
  • Smyrjið smá olíu í botninn á eldföstu móti svo að ekkert festist við
  • Setjið helminginn af salsa sósunni í botninn, raðið tortillunum yfir sósuna, helmingnum af grænmetisblöndunni, klípur af chili majónesi yfir allt og helminginn af ostinum. Endurtakið þetta svo – salsa, tortillur, grænmetisblandan, chili majó og ostur
  • Inn í ofn í um það bil 20 mínútur eða þar til osturinn er orðinn vel gylltur
  • Þegar þetta er tilbúið, takið úr ofninum og stráið kóríander yfir allt (má sleppa)
  • Leyfið réttinum að kólna í um það bil 5 mínútur áður en þið skerið í teninga
  • Berið fram með sýrðum rjóma

Ráð

Það er líka mjög gott að skipta út chili majónesinu fyrir ostasósu!
Course: aðalréttur, kvöldmatur, meatless monday
Cuisine: mexíkóskt
Keyword: grænmetisréttur, meatless monday

Leave a Reply

Close
© 2021 tinnath
Close