nautakjöt og auðveldasta bernaise sósan

Við erum barnlaus núna í nokkra daga þar sem strákurinn okkar er í sumarfríi og fékk að fara í heimsókn til ömmu sinnar og afa á Selfoss. Stefán hafði eina ósk og það var að við myndum hafa gott kjöt í vikunni og gerðum við vel við okkur og vorum með gott grillkjöt ásamt meðlæti.

Við erum búin að vera að prófa í sumar nýtt steikarkrydd sem kom á markað núna fyrr í mánuðinum sem passar fullkomnlega á grillkjötið. Þetta nýja krydd er frá Pottagöldrum og heitir Steikargaldur. Í þessari kryddblöndu er :

• íslenskt flögusalt
• svartur pipar
• hvítlaukur
• laukur
• steinselja

Kryddið er komið í Fjarðarkaup, Melabúðina, Veganbúðina, Kjöthöllina og Heimkaup en er væntanlegt í stærri búðir á næstunni 🙂

Við bárum kjötið svo fram með bernaise sósu en ég elska elsa elska bernaise sósu. Þessi uppskrift er að mínu mati sú allra besta. Ég hef aldrei lagt í það að prófa að gera öðruvísi en í sous vide en það er svo auðvelt og erfitt að klikka á henni. Annað meðlæti voru litlar kartöflur, salat og aspas vafið í beikoni og smjördeigi. Heppnaðist allt ótrúlega vel.

Smelltu HÉR til þess að sjá uppskriftina af aspasnum.

Nautakjöt

/ færslan er unnin í samstarfi við Pottagaldra

Hráefni

• nautakjöt við vorum með ribeye
• Steikargaldur frá Pottagöldrum eftir smekk
• ólífu olía eftir smekk

Aðferð

• Við krydduðum nautakjötið upp úr Steikargaldri frá Pottagöldrum og nudduðum því svo inn í kjötið með ólífu olíu
• Við notuðum kjöthitamæli og tókum kjötið af þegar það var búið að ná 60 gráðum – sem verður medium steik og ekki blæðandi (ef ég væri ekki ólétt hefði hún mátt vera aðeins minna elduð)

Course: aðalréttur, kvöldmatur

Keyword: nautakjöt, pottagaldrar

Sous vide bernaise sósa

auðveldasta og besta bernaise sósan að mínu mati

Undirbúningur 5 minutes mins

Eldunartími 1 hour hr

Heildartími 1 hour hr 5 minutes mins

Búnaður

• Sous vide tæki
• Töfrasproti

Hráefni

• 2 eggjarauður
• 200 g smjör
• 2 tsk estragon frá Pottagöldrum
• 2 tsk bernaise essence

Aðferð

• Setjið öll innihaldsefnin saman í poka – hægt að nota zip lock (reyna að lofttæma pokann) en ég setti í sérstakan poka sem fer í lofttæmingarvél
• Stillið sous vide á 56 gráður (hægt að elda við 56-58 gráður)
• Setjið pokann ofaní vatnið og festið hann við fatið sem þið eruð að nota með klemmu svo að hann sé ekki á stöðugri hreyfingu og að vatn komist inn – ef vatn kemst inn þá er sósan ónýt og virkar ekki að þeyta hana
• Þegar klukkutími er liðinn, opnið pokann og setjið allt sem var í pokanum í skál og þeytið með töfrasprota (ekki handþeytara – virkar ekki)
• Ættuð að sjá sósuna myndast strax, tekur aðeins nokkrar sekúndur
  

Ráð

Auðvelt er að stækka og minnka uppskriftina eftir því hversu margir eru í mat.

Minnsta útgáfan af þessu sem ég hef gert var 1 eggjarauða á móti 100g smjöri og var það akkurat skammtur fyrir 2 – ekkert auka. 

Stærsta útgáfan sem ég hef gert voru 5 eggjarauður á móti 500g af smjöri. Það var fyrir áramótaboð og vorum við 10 fullorðin að borða ásamt börnum. 

Course: meðlæti, smáréttur

Keyword: bernaise sósa, meðlæti, sósa