silki mjúkur heimagerður hummus

Ég elska hummus! Ég hef verið að prófa mig áfram með heimagerðan hummus seinustu mánuði og hefur það aldrei staðist mínar væntingar. Bæði tímalega séð og áferðin. Ég fékk fyrr í mánuðinum nýjar vörur til þess að prófa frá Odd Pods en það eru tilbúnar baunir. Ég prófaði að nota þær í hummus og vá, áferðin varð fullkomin. Ein af ástæðunum afhverju mér fannst þægilegra að nota þær en ekki þær sem eru í dós er vegna þess að það er búið að taka húðina utan af þeim, það getur verið það tímafrekasta í því að búa til hummus.

Færslan er unnin í samstarfi við Danól

Til þess að ná fullkominni áferð á hummusinn er tvennt sem ég hef lært sem er algjör game changer að mínu mati en það er :

  • sjóða kjúklingabaunirnar fyrst með smá matarsóda – kemur í veg fyrir chuncky áferð í matvinnsluvélinni
  • að setja klaka í matvinnsluvélina á meðan hún er að vinna – gerir áferðina silki mjúka

Ég bar hummusinn fram með litlum hrökk kex kökum, gúrku og gulrót. Fullkomið í útileguna!

Vörurnar frá Odd Pods eru nýjar á markaði á Íslandi og fást í Nettó.

litlir puttar mættir að aðstoða (borða)

silki mjúkur heimagerður hummus

/ færslan er unnin í samstarfi við Danól
Eldunartími 10 mins
Heildartími 20 mins

Búnaður

  • Matvinnsluvél

Hráefni

  • 2 pokar kjúklingabaunir frá Odd Pods
  • 1 tsk matarsódi
  • 1 hvítlauksgeiri
  • 2 klakar ekki sleppa þessu – gerir hummusinn mýkri
  • 2 msk tahini
  • safi úr hálfri sítrínu
  • 1/4 tsk cumin
  • 1/8 tsk salt
  • ólífu olía
  • krydd að eigin vali ég setti sítrónupipar

Aðferð

  • Byrjið á því að setja kjúklingabaunirna í pott með matarsóda. Setjið vatn í pottinn og leyfið suðunni að koma upp – leyfið að sjóða í um það bil 10 mínútur.
  • Síið vatnið frá og skolið með smá köldu vatni
  • Setjið baunirnar í matvinnsluvélina ásamt hvítlauksgeiranum. Leyfið vélinni að vinna þar til baunirnar eru orðnar að mauki.
  • Á meðan vélin er í gangi bætið við tahini, klökum, sítrónusafa, cumin og salti. Leyfið vélinni að vinna í 4-5 mínútur þar til þið eruð orðin ánægð með áferðina og hún silki mjúk.
  • Setjið hummusinn í skál og búið til smá holu í miðjunni. Setjið góða ólífu olíu í miðjuna og setjið krydd eftir smekk. Ég persónulega elska að setja sítrónupipar og ef ég vil aðeins sterkt með set ég líka cayanne.
Course: millimál, smáréttur, snarl
Cuisine: Mediterranean
Keyword: auðvelt, hummus, millimál, odd pods, snarl

Leave a Reply

Close
© 2021 tinnath
Close