Ég elska þegar það koma upp matar trend á Tik Tok. Margir kannski muna eftir að fyrra á þessu ári voru allir að gera fetaosta pastað (sjá uppskrift HÉR).
Nýjasta æðið er líka tengt pasta en í þetta skipti, krispí air fryed pasta snakk. Hljómar mjög sérstakt en ég verð að segja, kom mér virkilega á óvart. Ég bar snakkið svo fram með heimagerðri fetaosta ídýfu sem passaði ótrúlega vel saman við.
Ítalska pastakryddið frá Pottagöldum inniheldur :
- steinselju
- paprikuduft
- hvítlauksduft
- oreganó
- majoram
- basiliku
- salvíu
Fullkomin blanda í allskonar ítalska rétti 🙂
Smelltu HÉR til þess að sjá kennslumyndbandið sem ég setti inn á Tik Tok.
tik tok krispí pasta snakk með fetaosta ídýfu
/ færslan er unnin í samstarfi við Pottagaldra
Hráefni
Pasta
- 250 g pasta ég notaði mini pasta skrúfur en mæli með að nota stærra pasta
- 1 msk ólífu olía
- 1/2 dl rifinn prima donna ostur eða parmesan
- 1 tsk ítalskt pastakrydd frá Pottagöldrum
- 1/2 tsk hvítlauksduft frá Pottagöldrum
- salt og pipar eftir smekk
Fetaosta ídýfa
- 50 g hreinn fetaostur
- 1 msk rjómaostur
- 1 hvítlauksgeiri
- 2 msk ólífu olía
- 1 msk hunang
Aðferð
Pasta
- Sjóðið pasta samkvæmt leiðbeiningum og saltið vatnið vel
- Setjið soðna pastað í stóra skál og blandið saman við olíunni, ostinum, ítalska pastakryddinu, hvítlauksduftinu, salti og pipar
- Setjið í air fryer við 200 gráður í um það bil 10-15 mínútur og hristið vel í skúffunni 2-3x svo að allt pastað nái að verða krispí
Fetaosta ídýfa
- Blandið innihaldsefninum saman í matvinnsluvél eða töfrasprota
- Matvinnsluvél fyrir smooth áferð en töfrasprota fyrir meira chuncky
Ráð
Ég sá eina á Tik Tok gera svona pasta án þess að hafa air fryer. Þá hitaði hún pastað á bökunarplötu við 220 gráður. Fyrst í 8 mínútur, velti svo pastanu og svo aftur í 5 mínútur.
Ég hef ekki prófað þessa aðferð, gæti farið eftir ofnum hversu lengi pastað þarf að vera inni svo ég mæli með að fylgjast vel með 🙂
