Auðveldar heimagerðar beyglur í Air Fryer

Færslan er unnin í samstarfi við Rafha

Ég elska hluti í eldhúsið sem auðvelda mér lífið. Eftir að ég náði í Tik Tok appið var ég alveg seld á því að ég ÞURFTI að eignast Air Fryer. Hann var á óskalistanum fyrir en færðist mjög ofarlega á forgangslista eftir allar uppskriftirnar sem ég var að sjá á Tik Tok gerðar í Air Fryer.

Þegar við keyptum okkur íbúð, ákváðum við að splæsa í einn í nýja eldhúsið og varð Domo Air Fryer úr Rafha fyrir valinu eftir að hafa skoðað nokkrar týpur sem voru í boði. Ástæðan fyrir valinu var að verðið var hagstætt og 5 lítra karfa. Ég hefði aldrei trúað því hvað við höfum notað þessa græju mikið, það er hægt að gera gjörsamlega allt í henni.

Ég ætla að deila með ykkur uppskrift af ótrúlega einföldum og góðum beyglum sem er hægt að gera í Air Fryer, sem ég lærði einmitt á Tik Tok – hvar annarstaðar. Innihaldsefnin eru fá og kannski ekki bragðmikið deig svo krydd ofaná er algjört lykilatriði hérna og eru vinsælu beyglu kryddin tilvalin í þetta.

Ég útbjó nokkurskonar morgunverðar/brunch fyllingu í mínar beyglur, hér er það sem ég setti á þær :

  • Rjómaostur
  • Steikti hrært egg á pönnu með salti og pipar
  • Avocado
  • Stökkt Air Fried beikon

Á meðan beyglurnar voru að hvíla, hækkaði ég hitan á Air Fryernum í 200 gráður og setti nokkrar beikon sneiðar í körfuna og leyfði því að eldast í 10-12 mínútúr eða þar til það var orðið stökkt.

fyrir og eftir bakstur

Auðveldar heimagerðar beyglur í Air Fryer

/ færslan er unnin í samstarfi við Rafha
Skammtar 4 beyglur
Undirbúningur 5 mins
Eldunartími 15 mins
Hvíld 5 mins
Heildartími 25 mins

Búnaður

  • Domo Air Fryer

Hráefni

  • 1 bolli hveiti
  • 1 bolli grískt jógúrt
  • 1 tsk lyftiduft
  • 1 egg
  • beyglukrydd (ég notaði Sesamgaldur frá Pottagöldrum)
  • prima donna eða parmesan ostur má sleppa

Aðferð

  • Hitið Air Fryerinn við 175 gráður
  • Blandið saman í skál hveiti, grísku jógúrti og lyftidufti
  • Hrærið með sleif þar til þið getið það ekki lengur, notið þá hendurnar
  • Hnoðið þar til deigið er ekki lengur blautt og er orðið slétt og fínt – 3 til 5 mínútur
  • Skiptið deiginu í 4 hluta
  • Mótið beyglur úr deiginu. Annað hvort með því að rúlla deiginu í lengju og tengja hana svo í hring eða með því að búa til kúlu og búa til gat með puttanum
  • Penslið eggi yfir beyglurnar, setjið nóg af beyglukryddi og ost ef þið viljið
  • Raðið beyglunum í Air Fryer körfuna og setjið körfuna inn
  • Leyfið að bakast í 12-15 mínútur eða þar til beyglurnar eru orðnar gylltar og fallegar
  • Leyfið beyglunum að hvíla í að minnsta kosti 5 mínútur á bökunargrind þegar þær eru tilbúnar

Ráð

Ég notaði restina af egginu sem var notað í penslunina, steikti það á pönnu og setti á beygluna.
Course: hádegismatur, millimál, morgunmatur, smáréttur
Keyword: auðvelt, bakstur, brauð

Smelltu hér til að skoða úrvalið af air fryerum hjá Rafha.

ef þú prófar þessa uppskrift máttu endilega deila því með mér með því að senda mér mynd á instagram eða jafnvel tagga mig í story @tinnath

Leave a Reply

Close
© 2021 tinnath
Close