Í sumar kom út nýtt súkkulaði frá Nóa Síríus, rjómasúkkulaði með hindberjatrompbitum og saltlakkrís. Blandan kemur virkilega á óvart og datt mér í hug að það gæti verið gott að nota það í döðlugott, sem það svo sannarlega var! Ég elska að eiga smá nammi inni í frysti en persónulega finnst mér kalt nammi lang best og því döðlugott eitt af mínu uppáhalds. Þægilegt að eiga inni í frysti þegar maður fær óvænta heimsókn eða þá bara að njóta með kaffibollanum sínum á rólegum stundum.
Njótið vel x
Döðlugott með hindberjatrompbitum og saltlakkrís
/ færslan er unnin í samstarfi með Nóa Síríus
Hráefni
- 500 g saxaðar döðlur
- 200 g smjör
- 100 g púðursykur
- 120 g Rice Krispies
- 150 g rjómasúkkulaði með hindberjatrompbitum og saltlakkrís frá Nóa Síríus
- 300 g rjómasúkkulaði frá Nóa Síríus má skipta út fyrir suðusúkkulaði
Aðferð
- Bræðið döðlur, smjör, púðursykur og rjómasúkkulaðið með hinberjatrompbitunum í potti við vægan hita
- Þegar allt orðið að einu mauki og smjörið hætt að skilja sig, takið af hellunni
- Setjið Rice Krispies út í pottinn í 2-3 pörtum
- Pappírsklæðið kökuform eða eldfast mót og setjið blönduna út í og þjappið vel ofan í formið (mitt form var 36×27 cm)
- Bræðið mjólkursúkkulaði og hellið yfir
- Setjið inn i frysti í 1-2 klst
- Skerið í litla bita og geymið í frysti þar til þið ætlið að bera fram 🙂
