Fyrir nokkrum árum var Rice Krispies kaka með bananarjóma í nánast öllum veislum sem ég fór í. Ég ákvað að taka þessa köku á næsta level. Hún er svo ótrúlega góð og ennþá betri en allar þær sem þið hafið smakkað. Ég bætti með rjómakúlum í bæði botninn og karamellusósuna og það setur klárlega punktinn yfir iið. Í tilefni af því að sumar kroppið sé komið í búðir ákvað ég að setja nýja Banana Nóa Kroppið yfir kökuna fyrir smá auka banana og súkkulaði bragð – kom mjög vel út!
Rice krispies bomba með bananarjóma og rjómakúlu karamellusósu
/ færslan er unnin í samstarfi við Nóa Síríus
Hráefni
Botn
- 100 g smjör
- 100 g suðusúkkulaði frá Nóa Síríus
- 1/2 dl síróp
- 150 g rjómakúlur frá Nóa Síríus einn poki
- 200 g Rice Krispies
Banana rjómi
- 250 ml rjómi
- 2 þroskaðir bananar
Rjómakúlu karamellusósa
- 150 g rjómakúlur frá Nóa Síríus einn poki
- 3 msk rjómi
Skraut
- Banana Nóa Kropp frá Nóa Síríus
Aðferð
Botn
- Setjið smjör, suðusúkkulaði, síróp og rjómakúlurnar saman í pott og bræðið við vægan hita – þetta getur tekið smá tíma
- Þegar allt er bráðið og vel blandað saman, takið af hitanum og bætið Rice Krispiesinu út í og hrærið varlega saman með sleikju
- Spreyjið smelluform með smá olíu og setjið Rice Krispies blönduna í formið. Sléttið vel úr svo að kakan verði ekki skökk
- Setjið í kæli í um það bil klukkutíma
Bananarjómi
- Þeytið rjóma og stappið banana
- Blandið varlega saman með sleikju
Rjómakúlu karamellu sósa
- Bræðið saman í rjómakúlur og rjóma í potti við vægan hita
Lokaskref
- Takið kökuna úr forminu og setjið á kökudisk
- Setjið banana rjómann ofan á botninn og hellið rjómakúlu sósunni yfir allt
- Skreytið með nýja sumar Banana Nóa Kroppinu
Ráð
Ef þú ert í tímaþröng gætir þú græjað botninn daginn áður og bananarjómann ásamt rjómakúlusósuna rétt áður en þú ætlar að bera kökuna fram. Bananarnir eiga það til að brúnast en það sést lítið daginn eftir – mér finnst það bara best ef það er útbúið sama dag 🙂
